Bakı-APA. PPK terror təşkilatının Suriya qolu olan PYD qruplaşmasının lideri Saleh Müslim Suriya üzrə Cenevrədə keçiriləcək beynəlxalq danışıqlara dəvət olunmadığını bildirib. APA-nın “Reuters”ə istinadən verdiyi xəbərə görə, Saleh Müslim danışıqlara qruplaşmanın digər üzvlərinin dəvət alıb-almamasından xəbərsiz olduğunu bildirib.
Xəbər verildiyi kimi, Türkiyə XİN rəhbəri Mövlud Çavuşoğlu bəyan edib ki, PYD Suriya üzrə danışıqlara dəvət olunarsa, Türkiyə görüşü boykot edəcək.
“PYD danışıqlar masası arxasında hansı qismdə iştirak edəcək? Terror təşkilatı xalqı təmsil edə bilərmi? Bu danışıqlar müxalifət və rejim arasında keçirilir. Orada terror təşkilatları iştirak edə bilməz. Bu vaxtadək PYD-nin danışıqlara dəvət olunmayacağı bildirilirdi. Əgər PYD-ni Cenevrə danışıqlarına dəvət ediblərsə, biz, əlbəttə ki, görüşü boykot edəcəyik”, deyə Çavuşoğlu bildirib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
