Bakı. Cavid Zeynallı – APA. Amerikalı məşhur bluz ifaçısı Bi Bi Kinq (əsl adı Rayli Bi Kinq) Las-Veqasda 90 yaşında vəfat edib.
APA-nın “Associated Press”ə istinadən verdiyi məlumata görə, bluz ifaçısının vəkili bildirib ki, sənətçi ötən ay diabet xəstəliyinin ağırlaşması səbəbindən xəstəxanaya yerləşdirilib: “Bi Bi Kinq aprelin 8-də xəstəxanadan evə buraxılmışdı. O, bu xəstəlikdən 20 ildən çox idi, əziyyət çəkirdi”.
Qeyd edək ki, Bi Bi Kinq 1925-ci il sentyabrın 16-da Missisipi ştatında anadan olub.
“3 O'Clock Blues”, “The Thrill Is Gone”, “Every Day I Have The Blues” və digər musiqilərin ifaçısıdır. O, bir çox mükafata, o cümlədən, "Grammy"yə layiq görülüb.
Bi Bi Kinq "Dünya bluzunun kralı” təxəllüsü ilə məşhurdur.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
