Lənkəran. Ağəddin Babayev - APA. Lənkəran sakini narkotik vasitə satarkən yaxalanıb.
APA-nın cənub bürosunun məlumatına görə, Daxili İşlər Nazirliyinin Baş Narkotiklərlə Mübarizə İdarəsinin Cənub Bölgəsində Regional Şöbəsinin əməkdaşlarının Lənkəran şəhəri ərazisində keçirdikləri əməliyyat-axtarış tədbirləri zamanı Lənkəran rayonunun Yuxarı Nüvədi kənd sakini, 1985-ci il təvəllüdlü Tahir Şəmsəddin oğlu Babayev 100 ədəd kibrit qutusunda ümumilikdə 319,78 qram çəkidə narkotik vasitə olan marixuananı satarkən tutulub.
Faktla Lənkəran Şəhər-Rayon Polis Şöbəsində cinayət işi açılıb, araşdırmalar davam etdirilir.