Bakı. Musa Əhmədov - APA-Economics. Türkiyənin iri şirkət və holdinqləri Azərbaycandakı özəlləşdirmə prosesi ilə çox yaxından maraqlanır.
"APA-Economics" xəbər verir ki, bunu Bakıda səfərdə olan Türkiyə-Azərbaycan Biznes Şurasının sədri Selcuk Akat deyib.
"Proqram açıqlandıqdan sonra Türkiyədən Azərbaycana çox böyük sərmayələr yatırıla bilər", - deyə sədr qeyd edib.
Türkiyənin Azərbaycandakı səfiri İsmayıl Alper Coşkun isə bildirib ki, ölkəsi iqtisadi şaxələndirmə dövründə prioritet sahələr çərçivəsində Azərbaycanla iş birliyini daha da dərinləşdirmək niyyətindədir: "Azərbaycanda özəlləşdirmə ilə bağlı çox önəmli işlər gedir. Bir il ərzində Azərbaycanda özəlləşdirmə proqramı açıqlanarsa, biz Türkiyənin, eləcə də Türkiyədə fəaliyyət göstərən xarici ölkə sərmayəçilərini də bu barədə məlumatlandıra bilərik".