Bakı. Türbət Bağırova - APA. “Böyük Britaniyanın Avropa İttifaqından çıxması istisnasız olaraq London və Brüsselin öz münasibətlərinə aiddir və heç bir şəkildə Böyük Britaniyanın NATO-dakı roluna təsir etməyəcək”.
APA-nın xəbərinə görə, bu barədə NATO baş katibi Yens Stoltenberq Brüsseldə keçirdiyi mətbuat konfransında bidirib.
Y. Stoltenberq qeyd edib ki, Böyük Britaniyanın yeni hökumətinin alyans qarşısında öhdəliklərini davam etdirəcəyinə əmindir: “Böyük Britaniya NATO-nun vacib tərəfdaşıdır”.
Baş katib NATO-nun “soyuq müharibə” dövründən bəri ən böyük güclənmə mərhələsindən də danışıb. O qeyd edib ki, NATO-nun Qara dəniz regionundakı mövcudluğu Rumıniyadakı briqadanın hesabına gücləndiriləcək. Y. Stoltenberqin sözlərinə görə, ittifaqın hərbi xərclərinin 8 milyard dollar artırılması gözlənilir ki, bu da əvvəl planlaşdırılan xərclərin 3%-ni təşkil edir.
Qeyd edək ki, iyulun 8-9-da Varşavada NATO-nun zirvə toplantısı keçiriləcək.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
