Bakı. Hafiz Heydərov – APA. Goranboyda yaşayış evində partlayış olub.
Daxili İşlər Nazirliyinin mətbuat xidmətindən APA-ya verilən məlumata görə, hadisə oktyabrın 20-də saat 08 radələrində Goranboy rayonunun Aşağı Ağcakənd qəsəbəsində qeydə alınıb. Kəlbəcər rayon sakini İnqilab Qasımovun kirayədə yaşadığı evdə təbii qazın sızmasından ani partlayış baş verib. Nəticədə 1 otağın tavanı dağılıb, yanıq xəsarəti alan İ.Qasımov, arvadı Şəbnəm, qızı Yaqut və oğlu İsa xəstəxanaya yerləşdiriliblər.