Moskva. Fərid Əkbərov - APA. "Rusiyanın Suriyada keçirdiyi hərbi əməliyyatlar nəticəsində mülki əhali arasında itkilərin olması barədə iddialar əsassızdır".
APA-nın Moskva müxbirinin verdiyi məlumata görə, bunu Rusiya Xarici İşlər Nazirliyinin xüsusi nümayəndəsi Mariya Zaxarova keçirdiyi ənənəvi brifinqdə bildirib.
"Bir daha deyə bilərəm ki, belə məlumatların heç bir əsası yoxdur. Rusiya Suriyada terrorçulara qarşı əməliyyat keçirir", - deyə o vurğulayıb.