Bakı. Şəhriyar Əlizadə - APA. Bakı Apellyasiya Məhkəməsində narkotik vasitələrin dövriyyəsində təqsirləndirilən Elşən Aslanovun şikayəti üzrə məhkəmə prosesi başa çatıb.
APA-nın məlumatına görə, məhkəmə onun şikayətini təmin edərək cəzasını 8 ildən 2 il 6 aya endirib. Onun barəsində olan Cinayət Məcəlləsinin 234.4.3-cü (külli miqdarda narkotik vasitəni satış məqsədi ilə əldə etmə, daşım, satma) maddəsi ilə ittiham 234.1-ci (satış məqsədi olmadan narkotik vasitə əldə etmə) maddəsinə tövsif edilib.
Qeyd edək ki, Bakı Ağır Cinayətlər Məhkəməsinin hökmü ilə E. Aslanov 8 il müddətinə azadlıqdan məhrum edilib. Lakin hökmdən narazı qalan təqsirləndirilən şəxs apellyasiya şikayəti verərək cəzasının azaldılmasını istəyib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
