Bu gündən etibarən Azərbaycan Beynəlxalq Bankının (ABB) Gürcüstan nümayəndəliyinin əmanətçiləri sığortalanmış əmanətlər üzrə kompensasiya əldə edə bilərlər.
APA-nın yerli bürosu Gürcüstanın Əmanətlərin Sığortalanması Agentliyinə istinadla xəbər verir ki, agentlik tərəfindən ödəniləcək maksimal məbləğ 5 min lari (2 042 dollar) təşkil edir.
Sığortalanmış depozitləri “Liberty Bank”ın istənilən filialından almaq mümkün olacaq.
Əmanətlərin Sığortalanması Agentliyindən bildirilib ki, “ABB – Gürcüstan”ın 34 əmanətçisinin sığortalanmış əmanəti ödəniləcək. Əmanətçilərin əksəriyyəti Azərbaycan, İran və Türkiyə, 9-u isə Gürcüstan vətəndaşıdır. Əmanətçilərə ödəniləcək məbləğin ümumi həcmi 10 200 lariyə (4 168 dollar) yaxındır.
Qeyd edək ki, ABB-nin Gürcüstan filialı 2007-ci ildən fəaliyyət göstərib. Bu ilin martında ABB Gürcüstan və Rusiya bazarlarını tərk etmək barədə qərar qəbul edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
