ABŞ-ın Viskonsin ştatında ağır yol qəzası baş verib.
APA-nın TASS agentliyinə istinadən verdiyi xəbərə görə, hadisə Deforest yaşayış məntəqəsində qeydə alınıb.
Yük maşını texniki nasazlıq səbəbindən yolun kənarında dayanan məktəb avtobusuna çırpılıb.
Qəza nəticəsində 4-ü ağır olmaqla 20 nəfər müxtəlif dərəcəli xəsarət alıb. Ümumilikdə 9 nəfərin xəstəxanaya yerləşdirildiyi, onların həyatlarına təhlükə olmadığı bildirilir.
Hadisənin səbəbləri araşdırılır.