Bakı - APA-Economics. Azərbaycan Mərkəzi Bankının İdarə Heyətinin 10 iyul 2015-ci il tarixli qərarı ilə “EvroBank” ASC-nin və “Azərbaycan Kredit Bankı” ASC-nin bank lisenziyaları ləğv edilib.
Bakı Fond Birjasından (BFB) “APA-Economics”ə verilən məlumata görə, adıçəkilən emitentlərin lisenziyalarının ləğv edilməsinin qiymətli kağızlar ilə ticarət üçün, eləcədə investorların mənafelərin qorunması üçün mühüm fakt olmasını nəzərə alaraq, BFB müvafiq sorğuların cavablandırılmasınadək “EvroBank” ASC-nin və “Azərbaycan Kredit Bankı” ASC-nin qiymətli kağızları ilə mütəşəkkil ticarəti dayandırıb.