Fevralın 1-də P.İ.Çaykovski adına Moskva Dövlət Konservatoriyasında Qara Qarayevin 100 illiyinə həsr olunmuş yubiley gecəsi keçiriləcək. APA-nın məlumatına görə, konsertin proqramında skripka və fortepiano üçün sonata, “24 prelüd” silsiləsinin IV dəftərindən 6 prelüd, L.Hughesun sözlərinə 3 noktürn, “Yeddi gözəl” baletindən fraqmentlər səslənəcək.
Konsert proqramında musiqişünas Rauf Fərhadov giriş sözü ilə çıxış edəcək.
Qeyd olunan əsərləri Elena Reviç (violin), Olqa Domnina (fortepiano) və Evgeniy Astafurov (bariton) ifa edəcəklər.