BMT Baş Assambleyası Krımda insan haqlarının pozulmasını pisləyən və Rusiyanı beynəlxalq müşahidəçilərin yarımadaya girməsinə imkan verməyə çağıran qətnamə qəbul edib.
APA-nın TASS-a istinadən verdiyi məlumata görə, Ukrayna tərəfindən hazırlanmış sənədi 70 ölkə dəstəkləyib, 26 ölkə əleyhinə çıxıb və daha 77 ölkə səs verməkdən imtina edib.
Qətnamədə Krımda yarımada əhalisinə, ukraynalılara, o cümlədən Krım tatarlarına və digər etnik azlıqlara qarşı insan haqlarının pozulması, diskriminasiya tədbirləri pislənir.