İraqın Əl-Fəluca şəhərində bir-birinin ardınca iki partlayış baş verib.
APA-nın Reuters agentliyinə istinadən verdiyi xəbərə görə, ilkin məlumata əsasən, şəhərdə minalanmış avtomobillər partladılıb.
Partlayışlar nəticəsində 8 nəfərin öldüyü bildirilir. Hadisəyə görə məsuliyyəti heç bir qruplaşma öz üzərinə götürməyib.
Qeyd edək ki, dekabrın 11-də İraqın paytaxtı Bağdadda minalanmış avtomobilin partladılması nəticəsində 1 nəfər ölüb, 5 nəfər yaralanıb.