Bakı. Musa Əhmədov - APA-Economics. SOCAR Şahdəniz (ŞD) və Cənubi Qafqaz Boru Kəməri Şirkətində (CQBKŞ) 10%-lik payının satılmasına görə aldığı avansın məbləğini açıqlayıb.
"APA-Economics"in məlumatına görə, SOCAR-ın 2015-ci il üzrə konsolidasiya edilmiş maliyyə hesabatında bildirilir ki, 31 dekabr 2015-ci il tarixində ŞD və CQBKŞ-də paya görə alınmış cəmi məbləğ 2 mlrd. 97 mln. manat (1,346 mlrd. ABŞ dolları) (31 dekabr 2014-cü il: 625 mln. manat (797 mln. ABŞ dolları)) olub.
Qeyd edək ki, 2014-cü ilin iyul ayında SOCAR ŞD və CQBKŞ-də 10%-lik payının (birlikdə “Pay”) satılması haqqında Təxirə salınmış alqı-satqı razılaşması (“TSASR”) imzalayıb. Bu razılaşmanın şərtlərinə uyğun olaraq Cənub Qaz Dəhlizi (CQD) bunun üçün SOCAR-a avans ödəyəcək, nəzarət isə satışı öncələyən şərtlər yerinə yetirildiyi təqdirdə 2023-cü ildə CQD-yə keçəcək. Bundan əlavə, TSASR alış üçün 2020-ci ilin sonunadək hər il ödəniləcək vəsaitlə bağlı müəyyən mərhələli ödənişləri müəyyən edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
