Xarici siyasət

Ana səhifə

Xarici siyasət

Bakıda “Azərbaycan və Koreya xalqları arasında harmoniya” adlı konsert keçirilib - FOTOSESSİYA

Bakıda “Azərbaycan və Koreya xalqları arasında harmoniya” adlı konsert keçirilib - <font color=red>FOTOSESSİYA</font>

21 iyun 2012 20:51 (UTC +04:00)

APA-nın verdiyi xəbərə görə, konsert Koreya Respublikasının Azərbaycandakı səfirliyi və Azərbaycan-Koreya Mədəni Əlaqələr Assosiasiyası tərəfindən təşkil edilib.
Tədbirdə çıxış edən Koreyanın Azərbaycanda səfiri Li Ci Xa deyib ki, 20 il ərzində iki ölkə arasında siyasi, iqtisadi, təhsil və mədəniyyət sahəsində əlaqələr uğurla inkişaf edib. O deyib: “Bizim ölkələr arasında əməkdaşlıq strateji xarakter daşıyır”. Səfir bu münasibətlərin dinamik inkişafına kömək etdiyinə görə Azərbaycan prezidentinə minnətdarlığını bildirib.
Azərbaycanın mədəniyyət və turizm nazirinin müavini Sevda Məmmədəliyeva qeyd edib ki, belə konsertlərin keçirilməsi ölkələr arasında mədəni əlaqələrin inkişafına yardım edəcək.
Heydər Əliyev Sarayının səhnəsində Koreyanın “Mega Drum” kollektivi bu ölkənin milli musiqisinin ritmik kompozisiyaları ifa edib. Koreyadan B-Boy rəqs ansamblı ənənəvi və müasir rəqs janrlarında nömrələri təqdim edib.
Konsertdə Azərbaycan xalq artisti Afaq Məlikovanın rəhbərliyi ilə Dövlət rəqs ansamblı və “Dan ulduzu” instrumental ansambl da çıxış ediblər.