Asiya

Ana səhifə

Asiya

Yəhya Rəhim Səfəvi: “ABŞ və İsrail hələ də Misirin siyasətinə təsir göstərməyə davam edir”

08 iyun 2012 00:54 (UTC +04:00)

Bakı. Könül Cəfərli - APA . “Misirin sabiq prezidenti Hüsni Mübarək barəsində çıxarılan hökm göstərdi ki, bu ölkənin siyasətinə ABŞ və İsrail hələ də təsir göstərməyə davam edir”. APA-nın məlumatına görə, bunu İranın ali dini rəhbəri, ayətullah Seyid Əli Xamneyinin hərbi məsələlər üzrə müşaviri, general Yəhya Rəhim Səfəvi deyib. O bildirib ki, Misir xalqı öz iradəsini seçkilərdə nümayiş etdirəcək: “Ümid edirəm ki, misirlilər gerçək iradələrini və güclərini
prezident seçkilərinin ikinci mərhələsində göstərəcəklər”. Atətullah Xamneyinin digər məsləhətçisi Əli Əkbər Vilayəti də Misirdə keçirilən seçkilərlə bağlı bildirib ki, bu ölkədə islamçıların qələbə qazanması qaçılmazdır.
Qeyd edək ki, Qahirə Cinayət Məhkəməsi Misirin sabiq prezidenti Hüsni Mübarəki ömürlük həbs cəzasına məhkum edib.