Daxili siyasət

Ana səhifə

Daxili siyasət

Sumqayıt Şəhər İcra Hakimiyyətinin başçısı Vaqif Əliyev: “Sumqayıtda bir vaxtlar şəhər rəhbərliyi ilə bəzi qruplaşmalar arasında mövcud olan anlaşılmazlıqlar aradan qalxıb”

13 fevral 2007 15:47 (UTC +04:00)

“Sumqayıt şəhərində bir vaxtlar şəhər rəhbərliyi ilə bəzi qruplaşmalar arasında mövcud olan anlaşılmazlıqlar, uçurum aradan qalxıb”. Bunu APA-ya açıqlamasında Sumqayıt Şəhər İcra Hakimiyyətinin başçısı Vaqif Əliyev deyib. Sumqayıtda tam stabil və yaradıcı mühitin yaradıldığını deyən V. Əliyevin sözlərinə görə, hazırda şəhərdə sağlam ictimai-mənəvi iqlim formalaşdırılıb: “İmkanlı adamlar - hansı ki, vaxtı ilə mətbuatda onlara “klan” deyirdilər - həm regionun, həm də şəhərin inkişafı ilə daha çox məşğuldurlar. Öz güclərini, bacarıqlarını, maliyyələrini, vəsaitlərini bu sahəyə yönəldirlər. Bu sahədə problem yoxdur”.
Sumqayıt şəhər səhiyyə şöbəsinin keçmiş müdiri Karlen Abbasovun sabiq səhiyyə naziri Əli İnsanovla qohumluğuna görə vəzifəsindən uzaqlaşdırılmasına gəlincə, V. Əliyev bu məlumatın doğru olmadığını vurğulayıb. Onun sözlərinə görə, səhiyyə şöbəsinin keçmiş müdiri öz ərizəsinə əsasən işdən azad olunsa da, Yeni Azərbaycan Partiyasının üzvüdür./APA/