Bakı. Vahab Rzayev – APA-Economics. Noyabrın 10-14-də Böyük Britaniyanın Orta Asiya Assosiasiyasının ticarət missiyası Azərbaycana səfər edəcək.
Missiyadan «APA-Economics»ə verilən məlumata görə, səfər çərçivəsində Azərbaycanın dövlət qurumları, iri şirkətləri və əsas bankları ilə görüşlərin keçirilməsi nəzərdə tutulub.
Missiya bank və maliyyə, nəqliyyat, tikinti, təhsil, aqrar, turizm, neft və qaz sektorlarını əhatə edir və Böyük Britaniya investorları üçün həmin sahələrdə mövcud olan vəziyyəti araşdırır.
Qeyd edək ki, missiya Azərbaycan şirkətləri üçün Böyük Britaniyada potensial tərəfdaşların tapılmasına dəstək olacaq.
Missiyanın məlumatında deyilir ki, hazırda Azərbaycan milli iqtisadiyyatı diversifikasiya etməyə çalışır və proqnozlara əsasən, 2013-2017-ci illərdə orta illik iqtisadi artım 4,3% təşkil edəcək. Həmçinin bildirilir ki, ölkə hökuməti emal sektorunu uzunmüddətli inkişafın əsası kimi qiymətləndirir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
