Bakı. Fərahim Qasımov-APA. Bakı-Qazax avtomobil yolunun Qaradağ rayonu ərazisindən keçən hissəsində, DYP postu yaxınlığında ağır yol-nəqliyyat hadisəsi baş verib. APA-nın hadisə yerində olan müxbirinin verdiyi məlumata görə, KamAZ markalı yük maşınının yolun kənarında dayanmış eyni markalı digər 2 maşına çırpılması nəticəsində bir nəfər ölüb, üç nəfər ağır yaralanıb. Yaralılar xəstəxanaya çatdırılıb.
Qəza hərəkətdə olan yük maşınının sürücüsünün idarəetməni itirməsi nəticəsində baş verib.
Hadisə nəticəsində Bakı-Qazax yolunda böyük tıxac yaranıb. DYP əməkdaşları nəqliyyatın hərəkətinin bərpası üçün səylər göstərir.