Bakı. APA-Economics. Azərbaycanın ilk mobil operatoru və aparıcı mobil internet provayderi “Bakcell” şirkəti Bakıda keçirilən VIII Azərbaycan Beynəlxalq “Təhsil” və VIII Azərbaycan Beynəlxalq “Karyera” sərgisində iştirak edib.
Şirkətdən “APA-Economics”ə verilən məlumata görə, 3 gün davam edən sərgidə nümayiş olunan “Bakcell” stendi və təşkil olunan müsabiqə, sorğu və sair tədbirlər iştirakçılar tərəfindən maraqla qarşılanıb. Bununla yanaşı, “Bakcell”də hazırda mövcud olan 14 vakansiya barədə məlumat verilib, eyni zamanda stendin ziyarətçiləri arasında müsabiqə keçirilib. Müsabiqədə “Bakcell”, şirkətin həyata keçirdiyi layihələr, əmək qanunvericiliyi, kadrların idarə olunması ilə bağlı suallara cavab verən 24 sərgi iştirakçıya xüsusi hədiyyələr təqdim olunub.
Sərgi zamanı şirkətin təqdim etdiyi vakansiyalara 300-dən artıq müraciət daxil olub. Hazırda elan olunmuş vakansiyalara uyğun gələn müraciətlərə “Bakcell”in insan resursları şöbəsi tərəfindən baxılır.
Sərgi iştirakçıları arasında keçirilən məşğulluq sorğusunda 200-dən çox ziyatərçi iştirak edib və “Bakcell”də işəgötürmə prosesi, özlərinin əməkhaqqı gözləntiləri, sosial statusu, yaşı, maraqlandıqları sahə və s. ilə bağlı sulları cavablandırıblar.
Müxtəlif sərgilər zamanı həyata keçirilən bu cür sorğuların nəticələri təhlil olunaraq şirkətin işə qəbul prosesinin təkmilləşdirilməsi üçün istifadə olunur.
Qeyd edək ki, “Təhsil” və “Karyera” sərgiləri Azərbaycan Respublikası Təhsil Nazirliyinin rəsmi dəstəyi ilə təşkil olunan yeganə tədbirdir.
“Bakcell” şirkəti Azərbaycanın ən böyük işə götürənlərindən biridir. Şirkət peşəkarların işə cəlb olunması, eyni zamanda tələbə və gənclərin karyeraya başlaması üçün müxtəlif layihələr həyata keçirir. “Bakcell”in “Smart Start” adlı təcrübə bu proqramı bu yaxınlarda uğurla başa çatıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
