Bakı – APA. “Azərreyl” voleybol komandasının rəhbərliyi islahatlara başlayıb. Apasport.az saytının məlumatına görə, az öncə xorvatiyalı Anna Qrbaçı heyətdən kənarlaşdıran “dəmiryolçular” bu dəfə italiyalı baş məşqçi Alessandro Çiappinini istefaya göndərib.
Çiappini ilə yanaşı, onun köməkçiləri Nikola Neqro, Terri Rosini və Fabio Qabbon da Bakı klubundan qovulub.
Artıq onların əvəzediciləri də müəyyənləşib. “Bakı-Azəryol”un baş məşqçisi Aleksandr Çervyakov “Azərreyl”in “sükanı arxasına” gətirilib. Onu komandasında isə köməkçisi Vüqar Əliyev əvəzləyib.
“Azərreyl”in bu addımı atması səbəbsiz deyil. Çünki Çempionlar Liqasında uğur qazana bilməyən klub artıq Azərbaycan Super Liqasında da çempionluq yolunda işini çətinə salıb.
Qeyd edək ki, Çervyakov əvvəllər “Azərreyl”də Faiq Qarayevin köməkçisi olub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
