Tovuz. Azər Məmmədli - APA. Tovuzda bir nəfərin ölümü ilə nəticələnən yol-nəqliyyat hadisəsi baş verib.
Tovuz Rayon Polis Şöbəsindən APA-nən qərb bürosuna verilən məlumata görə, hadisə Tovuz rayonun Aşağı Quşçu kəndində baş verib.
Tovuz rayon sakini, 1975-ci il təvəllüdlü Abbasov Namiq Şəmistan oğlu “VAZ-2106” markalı avtomobillə Qovlar qəsəbəsi istiqamətində hərəkətdə olarkən 1987-ci il təvəllüdlü Əlizadə Cəfər Şahin oğlunun idarə etdiyi “Mercedes Vito” markalı avtomobilə çırpılıb. Nəticədə “VAZ-2106”-nın sürücüsü Namiq Abbasov hadisə yerində dünyasını dəyişib.
Polis Şöbəsindən qəza zamanı xəsarət alanların olmadığını bildiriblər. Faktla bağlı Tovuz Rayon Polis Şöbəsində araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
