Bakı-APA. Fevralın 22-dən Madaqaskar sahillərinə yaxınlaşan «Haruna» tropik qasırğasının qurbanlarının sayı 18 nəfərə çatıb. Son məlumatlara görə, 81 nəfər yaralanıb, 16 nəfər barəsində isə məlumat yoxdur.
APA-nın məlumatına görə, tropik qasırğa adanın cənub-qərbindəki Morombe şəhərini demək olar ki, tamamilə məhv edib. Adada küləyin sürəti saatda 200 kilometrə çatıb.
Qasırğa hazırda zəifləsə də, sinoptiklər yaxın günlərdə güclü yağış və küləklər proqnozlaşdırırlar.