Göygöl. Azər Məmmədli – APA. Gəncə-Daşkəsən avtomobil yolunun Göygöl rayonu Yeni Qızılca kəndi ərazisindən keçən hissəsində yol nəqliyyat qəzası baş verib.
APA-nın qərb bürosunun verdiyi məlumata görə, hərəkətdə olan “KamAZ” markalı avtomobil idarəetmədən çıxaraq yolun kənarında olan divara çırpılıb.
Qəza zamanı sürücü, 1952-ci il təvəllüdlü Nurəddin Məmmədov kəllə beyin travması alaraq Gəncə şəhər Təcili Tibbi Yardım xəstəxanasına yerləşdirilib.
Faktla bağlı araşdırma aparılır.