Bakı. Kəmalə Quliyeva – APA. Ekologiya və təbii sərvətlər nazirinin müavini Rauf Hacıyev Fransa Respublikası Hökümətinin 2012-ci ildə kənd təsərrüfatı və balıqçılıq sahəsində zabit dərəcəsində Şöhrət Ordeni ilə təltif edilib.
APA-nın xəbərinə görə, R. Hacıyevin son illər ərzində aparılan fəaliyyəti nəticəsində Azərbaycan Respublikası BMT-nin Ərzaq və Kənd Təsərrüfatı Təşkilatı (FAO) nəzdində “Mərkəzi Asiya və Qafqazda balıqçılıq təsərrüfatı və akvakultura sahəsində regional Komissiya”ya qoşulub. O, həmin Komissiyanın Azərbaycan üzrə milli əlaqələndiricisi qismində təyin edilib. R. Hacıyevin fəaliyyətinin uğurlu nəticəsi kimi, “Balıqçılıq haqqında” qanunun təkmilləşdirilmiş yeni variantı 2013-cü ilin əvvəlində baxılması üçün Milli Məclisin müzakirəsinə çıxarılıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
