İranda son vaxtlar avtomobil və dəmir yollarına əhəmiyyətli həcmdə vəsait ayrılıb.
Bunu İran Prezidentinin iqtisadi əməkdaşlıq məsələləri üzrə müşaviri Məsumə Ağapur APA-nın Tehran müxbirinə açıqlamasında deyib.
İran Prezidentinin müşaviri bildirib ki, müharibədən sonra gömrük məntəqələri istiqamətində müsbət dəyişikliklər baş verib, işlərin asanlaşdırılması üçün bəzi qaydalara düzəliş edilib, qeyri-neft ixracına daha çox diqqət ayrılıb.
Onun sözlərinə görə, qeyri-neft məhsullarının bazara çıxarılması sahəsində də yaxşı işlər görülüb.
Məsumə Ağapur qeyd edib ki, hazırkı problemlər aradan qalxdıqdan və İran iqtisadiyyatına qarşı tətbiq edilən sanksiyalar ləğv olunduqdan sonra qeyri-neft ixracına, eləcə də texnologiya və biliklərə əsaslanan sahələrə ayrılan diqqət bir neçə dəfə artırılmalıdır.
Ağapur Şimal-Cənub dəhlizinin Astara hissəsinin tamamlanması üçün maliyyələşmənin sürətləndirilməsinə də toxunub. O vurğulayıb ki, hazırda Şərq-Qərb dəhlizi də xüsusi diqqət yetirilən mühüm məsələlərdəndir.
“Sərhəd gömrük məntəqələrində müsbət yeniliklər gözlənilir”, – İran Prezidentinin müşaviri deyib.
O əlavə edib ki, bəzi təhdidlər vəziyyəti çətinləşdirə bilsə də, hazırda iqtisadi müharibənin ön cəbhəsində dayanan bir çox istehsalçı əvvəllər ölkəyə idxal edilən bəzi məhsulların yerli istehsalını təmin edə bilib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
