Kriptovalyuta bazarında son sutka ərzində əsas aktivlərin əksəriyyətində ucuzlaşma qeydə alınıb. Qızıl əsaslı kriptovalyutalar isə ümumi bazar dinamikasından fərqli olaraq bahalaşıb.
“APA-Economics” xəbər verir ki, “CoinMarketCap” platformasında “Bitcoin”in qiyməti son 24 saatda 0,28% azalaraq 82 433 ABŞ dollarına enib. Kriptovalyuta son 7 gündə 3,61% ucuzlaşsa da, son 30 gündə 4,56% bahalaşıb.
“Ethereum” 2,65% ucuzlaşaraq 2 493,19 dollara, BNB 3,77% azalaraq 740,39 dollara, “Zcash” isə 6,16% geriləyərək 1 217,36 dollara enib.
Digər kriptovalyutalarda da ciddi azalma müşahidə olunub. “Monero” 3,67% ucuzlaşaraq 539,25 dollara, “Bitcoin Cash” 6,62% geriləyərək 278,91 dollara, “Bittensor” isə 5,07% azalaraq 273,83 dollara düşüb.
Qızıl əsaslı kriptovalyutalarda isə müsbət dinamika qeydə alınıb. “PAX Gold” (PAXG) 0,81% bahalaşaraq 4 176,07 dollara, “Tether Gold” (XAUT) isə 0,79% artaraq 4 168,05 dollara yüksəlib.
“CoinMarketCap 20” indeksi son 24 saatda 1,68% azalaraq 168,14 bənd təşkil edib. “Bitcoin”in bazar kapitallaşması isə 1,66 trln. dollar səviyyəsində qərarlaşıb.
Analitiklər bildirirlər ki, kriptovalyuta bazarındakı geriləmə investorların riskli aktivlərdən uzaqlaşması və əvvəlki yüksəlişdən sonra mənfəətin realizasiyası ilə əlaqəli ola bilər. ABŞ Federal Ehtiyat Sisteminin faiz siyasəti ilə bağlı qeyri-müəyyənlik də bazara təzyiq göstərən mümkün amillər sırasındadır. Qızıl əsaslı tokenlərin bahalaşması isə onların qiymətinin qızılın bazar dəyərinə bağlı olması ilə izah edilir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
