Daxili siyasət

Daxili siyasət

Azərbaycan prezidenti Sumqayıta səfər edib - YENİLƏNİB

Azərbaycan prezidenti Sumqayıta səfər edib - <font color=red>YENİLƏNİB</font>

28 avqust 2008 11:27 (UTC +04:00)

Dövlət başçısına məlumat verilib ki, MDB məkanında yeganə olan bu kompleksdə respublika və beynəlxalq səviyyəli yarışların keçirilməsi nəzərdə tutulub. Tikintisinə 2005-ci ildə başlanmış, 2,25 hektar sahəni əhatə edən kompleksin smeta dəyəri 3,1 milyon manatdır.

Kompleksə 130 nəfərlik akt salonu, trenajor, əl oyunları, böyük və kiçik atıcılıq zalları, açıq futbol və voleybol meydançaları, qapalı üzgüçülük hovuzu daxildir. Binada müasir tipli liftlər, üzgüçülük hovuzunda avtomatik təmizləmə, dezinfeksiya, qızdırıcı qurğular quraşdırılıb. Kompleksdə əlillərin sərbəst hərəkəti üçün lazımi şərait yaradılıb.
Ərazidə abadlıq işləri aparılıb, yaşıllıq salınıb, ağac və gül kolları əkilib, müasir işıqlandırma sistemi quraşdırılıb. Kompleksin yanında müasir tipli mehmanxana da tikiləcək.

Prezident İ. Əliyev kompleksin rəmzi açılışını bildirən qırmızı lenti kəsib və bina ilə tanış olub. Dövlət başçısı akt salonunda Pekin Paralimpiya oyunlarında iştirak edəcək Azərbaycan idmançıları ilə görüşüb.

Dövlət başçısı Sumqayıtda Qarabağ müharibəsi əlilləri, şəhid ailələri və Çernobıl qəzası əlilləri üçün tikilmiş dördmərtəbəli 36 mənzilli yaşayış binasının açılış mərasimdə iştirak edib. Əmək və Əhalinin Sosial Müdafiəsi Nazirliyinin sifarişi ilə tikilmiş binaya əlillərin rahat daxil olmaları üçün xüsusi giriş quraşdırılıb, hər bir mənzil mebel və digər məişət avadanlığı ilə təmin edilib. Azərbaycan prezidenti adından hər bir ailəyə televizor və soyuducu hədiyyə olunub.

Binaya qaz, elektrik və su xətləri çəkilib, bütün mənzillər telefonlaşdırılıb, mərkəzi istilik sistemi, yanğın əleyhinə xəbərdarlıq siqnalı quraşdırılıb. Prezident yeni mənzillərin orderlərini sakinlərə təqdim edib, bina ilə yaxından tanış olub.

Mənzillərin 5-i şəhid ailələri, 29-u Qarabağ müharibəsi əlilləri, 2-si isə Çernobıl qəzası əlilləri üçün ayrılıb.

Azərbaycan prezident Sumqayıtda yenidən qurulmuş Nəsimi adına mədəniyyət və istirahət parkında da olub. “Göyərçin” abidəsinin yerləşdiyi park dövlət başçısının tapşırığı ilə yenidən qurulub. Parkda yerə daş plitələr döşənib, dekorativ gül kolları və ağaclar əkilib, müasir işıqlandırma sistemi quraşdırılıb, köpüklü fəvvarə tikilib.

Daha sonra dövlət başçısı Sumqayıtın Sülh və Bakı küçələrinin kəsişməsindəki əraziyə gəlib. Dövlət başçısına məlumat verilib ki, buradakı park yenidən qurulub, fəvvarə inşa olunub, ətrafda abadlıq və yaşıllaşdırma işləri aparılıb.

İlham_Əliyev_Sumqayıt