Bu il işğaldan azad olunmuş ərazilərdə bələdiyyə seçkiləri keçirilməyəcək.
APA xəbər verir ki, bunu Mərkəzi Seçki Komissiyasının (MSK) sədri Məzahir Pənahov jurnalistlərin suallarını cavablandırarkən deyib.
O bildirib ki, artıq növbəti illərdən bələdiyyə seçkiləri də bütöv Azərbaycan ərazisində keçiriləcək.
MSK sədrinin sözlərinə görə, bələdiyyə seçkilərində ilk dəfə olaraq ölkədəki 26 siyasi partiyadan 23-ü iştirak edəcək.
Məzahir Pənahov qeyd edib ki, bələdiyyə seçkilərinin nəticələri həmin gün axşam və ya ayın 30-u açıqlanacaq. Seçkiləri 70 mindən artıq müşahidəçi izləyəcək.
O əlavə edib ki, seçkilərdə iştirak üçün xarici müşahidəçilər müraciət etməyib.
Qeyd edək ki, yanvarın 29-da Azərbaycanda bələdiyyə seçkiləri keçiriləcək.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
