Daxili siyasət

Ana səhifə

Daxili siyasət

Fəzail Ağamalı seçicilərlə görüşünü davam etdirir - FOTOSESSİYA

Fəzail Ağamalı seçicilərlə görüşünü davam etdirir - <span style="color: red;">FOTOSESSİYA

22 oktyabr 2015 12:21 (UTC +04:00)

Bakı. Etibar Məmmədov – APA. Bu gün 60 saylı Salyan-Neftçala seçki dairəsindən Milli Məclisə seçkilərə namizədliyi irəli sürülmüş Ana Vətən Partiyasının sədri Fəzail Ağamalı rayonun Aşağı və Yuxarı Noxudlu kəndlərində seçicilərlə növbəti görüşünü keçirib.

Partiyanın mətbuat xidmətindən APA-ya verilən məlumata görə, çoxsaylı seçicinin iştirakı ilə keçirilən görüşü F. Ağamalının səlahiyyətli nümayəndəsi Əbülfət Bədəlov açaraq seçicilərə namizədin fəaliyyəti barədə ətraflı məlumat verib.

Görüş zamanı vurğulanıb ki, F. Ağamalı Milli Məclisin deputatı kimi işlədiyi müddət ərzində qanunvericilik aktlarının qəbulunda hər zaman öz fəallığı ilə seçilib, eyni zamanda seçiciləri tərəfindən qaldırılmış problemlərin müsbət həlli istiqamətində səylərini əsirgəməyib.

Görüş iştirakçıları prezident İlham Əliyevin yürütdüyü daxili və xarici siyasətini müdafiə etdiklərini bildiriblər və bu siyasətin ən fəal iştirakçılarından biri olan F. Ağamalıya səs verəcəklərini diqqətə çatdırıblar.

Kənd ağsaqqallarından Hacı Mirlazım Ağa Mustafayev, Dövlət Orucov, kənd ziyalıları Cəfər Novruzov, Ahilə Nəcəfova, Natavan Novruzova, Durna Əzizova, kənd sakini Alisgəndər Əliyev çıxış edərək, kəndlərində yaradılmış yüksək şəraitə görə ölkə başçısı İlham Əliyevə təşəkkürlərini bildirərək, görüş iştirakçılarını seçkilərə gəlməyə və F.Ağamalıya səs verməyə çağırıblar.

Görüşdə çıxış edən seçicilər Aşağı və Yuxarı Noxudlu kəndlərində məktəblərin təmiri, Aşağı Noxudlu kəndində uşaq baxçasının açılması ilə bağlı məsələ qaldırıblar. F. Ağamalı noyabrın 1-də keçiriləcək seçkilərdə mandat qazanarsa, sözügedən problemlərin həlli üçün müvafiq qurumlar qarşısında məsələ qaldıracağını və həmin problemlərin həllinə çalışacağını seçicilərin diqqətinə çatdırıb.

Prezident İlham Əliyevin son sərəncamları, sahibkarlıq sahəsində aparılan yoxlamaların 2 il müddətinə dayandırılması, rüşvətxorluğa və korrupsiyaya qarşı daha kəskin şəkildə mübarizə aparmasını diqqətə çatdıran F.Ağamalı qeyd edib ki, ölkə başçısının siyasi iradəsi xalqımızın sosial vəziyyətinin daha da yaxşılaşdırılmasına və ölkədə sahibkarlığın inkişafına yönəlib.

Görüş iştirakçıları ölkə prezidentinin son addımlarını alqışlayaraq, hər zaman onunla bərabər olacaqlarını bir daha vurğulayıblar.

Görüşdə F.Ağamalının vəkilləri – Qulu Novruzov və Xidmət Orucov iştirak ediblər.