Moskva. Fərid Əkbərov - APA. Azərbaycanda noyabrın 1-də keçiriləcək parlament seçkilərini müşahidə edəcək MDB parlamentlərarası missiyasının rəhbəri, Rusiya Dövlət Dumasının Liberal Demokrat Partiyası fraksiyasından olan deputatı Leonid Slutsikinin səfər proqramı açıqlanıb.
Rusiya Dövlət Dumasından APA-nın Moskva müxbirinə verilən məlumata görə, L. Slutskinin rəhbərlik etdiyi missiya oktyabrın 30-da Azərbaycana gələcək. Qonaqlar Mərkəzi Seçki Komissiyasında görüşlər keçirəcək. Missiyanın Milli Məclisdə təmsil olunan partiyalar, parlament qruplarının rəhbər və nümayəndələri ilə görüşləri də nəzərdə tutulub.
Noyabrın 2-də missiyanın rəhbəri müşahidənin nəticələri ilə bağlı mətbuat konfransı keçirəcək.
Qeyd edək ki, L. Slutskinin rəhbərlik etdiyi MDB parlamentlərarası müşahidə missiyasına Rusiya Dövlət Dumasının 30-dək deputatı və onlara yardım edəcək ekspertlər daxildir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
