Bakı. Etibar Məmmədov - APA. Mərkəzi Seçki Komissiyasının (MSK) növbəti iclası keçirilib. APA-nın məlumatına görə, iclasda Milli Məclisə seçkilərdə “exit-poll” keçirmək istəyən qurumların müraciətinə baxılıb.
MSK sədrinin müavini Natiq Məmmədov bildirib ki, Azərbaycan seçki təcrübəsində “exit-poll” artıq reallığa çevrilib və bununla bağlı ölkədə ixtisaslaşmış qurumlar fəaliyyət göstərir: "Müstəqil Araşdırmalar Mərkəzi artıq bir dəfə “exit-poll”da iştirak edib və indiyə qədər çoxsaylı sorğu, tədqiqatlar keçirib. Onun təqdim etdiyi sənədlər əsaslı olduğundan təklif edirəm ki, bu qurum “exit-poll” aparan təşkilat kimi qeydiyyata alınsın".
Təklif səsə qoyularaq qəbul edilib.
Sonra N. Məmmədov deyib ki, “exit-poll” keçirmək üçün müraciət edən təşkilatlardan digərləri Azərbaycan Gənclərinin Hüquqlarının Müdafiəsi Mərkəzi və Vətəndaşların Əmək Hüquqlarını Müdafiə Liqasıdır. Hər iki qurumun “exit-poll” keçirməsi qəbul olunub.
İclasda bəzi dairə seçki komissiyalarının tərkibində dəyişiklik edilib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
