46 saylı Şirvan seçki dairəsindən deputatlığa namizəd Rafael Cəbrayılov görüşlərini davam etdirir. Seçki Qərargahının qrafikinə uyğun olaraq, namizəd bu gün saat 12:00-da və 14:00-da seçicilərlə görüşüb. O, Naxçıvan və T. Əhmədov küçəsinin sakinləri ilə görüşüb.
Rafael Cəbrayılov seçicilərlə səmimi görüşdükdən sonra sakinləri dinlədi. Nəriman Ağaməmmədov çıxış edərək Rafael Cəbrayılova qəsəbə sakinlərinin dəstək olduqlarını bildirdilər. Əsasən Şirvan kanal üzərindən piyada keçidinin zədəli olması və sosial məsələlərlə bağlı müraciətlər olunub. Çıxış edən digər seçicilər də Rafael Cəbrayılovun müsbət işlərindən danışaraq, 1 noyabr tarixində ona səs verəcəklərini bildirdilər.
Rafael Cəbrayılov bütün seçicilərə minnətdarlıq edərək, seçki haqqında məlumat verdi. Qeyd etdi ki, seçki prosesinin vacibliyini diqqətdə saxlayaraq 1 noyabr tarixində hər kəs seçkidə iştirak etməlidir. Şirvan şəhərinin 5 illik deputatının seçilməsində iştirak etmək, növbəti 5 ildə şəhərin tale yüklü məsələsinə töhfə vermək bütün şirvanlıların mənəvi borcudur: “Etimad göstərib səs verdiyiniz halda deputat səlahiyyətlərim çərçivəsində Şirvan şəhərinin problemlərinin həlli istiqamətində fəaliyyət göstərəcəyəm”.
Namizədə uğurlar arzulayan seçicilər, Rafael Cəbrayılova dəstək olacaqlarını bildirdilər.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
