Diaspor

Ana səhifə

Diaspor

Moskvada ermənilərin gülləsinə tuş gələn azərbaycanlı tələbə Ağəli Alışov Bakıya qayıtmağa hazırlaşır

16 may 2007 11:04 (UTC +04:00)

“Patris Lumumba adına Rusiya Xalqlar Dostluğu Universitetində baş verən hadisələrlə bağlı dünən Moskva şəhər Cənub-Qərb dairəsinin daxili işlər şöbəsinin müstəntiqinə ifadə vermişəm. Amma istintaqın tələbinə uyğun olaraq ifadələrimlə bağlı məlumat verə bilmərəm”. Bu açıqlamanı APA-ya Patris Lumumba adına Rusiya Xalqlar Dostluğu Universitetində tədbir zamanı ermənilər tərəfindən güllələnən azərbaycanlı tələbə Ağəli Alışov verib. O, yaxın günlərdə Azərbaycana qayıtmaq niyyətində olduğunu bildirib: “Aldığım yara məşqlərdə iştirakıma imkan vermir, bundan başqa həkimlər də müvəqqəti olaraq idmanla məşğul olmağımı məhdudlaşdırıblar. Bir neçə ay Bakıda yaşadıqdan sonra Moskvaya qayıdacağam”. /APA/