Diaspor

Ana səhifə

Diaspor

Avropalı gənclərin beynəlxalq görüşünün iştirakçıları Sumqayıtda olublar

23 may 2007 16:08 (UTC +04:00)

Avropa Şurasının “Hamı fərqli, Hamı bərabər” kampaniyası çərçivəsində “Kampaniya bitir, ideya qalır” adı altında Sumqayıt şəhərində keçirilən avropalı gənclərin beynəlxalq görüşünün iştirakçıları mayın 22-də Sumqayıt şəhəri ilə tanış olublar. Bu barədə APA-ya Sumqayıt Şəhər İcra Hakimiyyətindən (ŞİH) məlumat verilib. Daha sonra tədbir iştirakçılarını Sumqayıt ŞİH başçısı Vaqif Əliyev qəbul edib. Azərbaycanda hər 3 ildən bir Gənclər Forumunun keçirildiyini deyən V. Əliyev gənclərin ictimai proseslərdə fəal iştirakının təmin olunması üçün dövlət rəhbərliyi tərəfindən hər cür şərait yaradıldığını bildirib. “Hamı fərqli, Hamı bərabər” kampaniyasının Sumqayıtda start götürdüyünü söyləyən V. Əliyev şəhər rəhbərliyinin gələcəkdə də belə faydalı layihələrə dəstək verəcəyini deyib. V. Əliyev həmçinin Ermənistan-Azərbaycan münaqişəsi haqqında avropalı gənclərə ətraflı məlumat verib.
Görüşdə çıxış edən Azərbaycanlı Tələbələrin Avropa Forumunun baş katibi Vüsal Məmmədov Azərbaycanın “Hamı fərqli, Hamı bərabər” kampaniyası çərçivəsində ən aktiv ölkə olduğunu vurğulayıb. Ukraynanı təmsil edən Svetlana Lukavenko isə gənclər siyasəti sahəsində və dövlət səviyyəsində gənclərin dəstəklənməsində Azərbaycanın Ukraynaya nümunə ola biləcəyini bildirib. /APA/