Diaspor

Ana səhifə

Diaspor

London Azərbaycan məktəbinin rəqs qrupu beynəlxalq musiqi festivalında iştirak edib

12 iyun 2007 07:57 (UTC +04:00)

London Azərbaycan məktəbinin rəqs qrupu beynəlxalq musiqi festivalında iştirak edib. APA-nın Şərqi Avropa bürosunun məlumatına görə, Böyük Britaniyanın paytaxtı Londonda Beynəlxalq Rəqs və Musiqi Mərkəzi (International Dance and Music Centre) tərəfindən təşkil edilən ənənəvi “Xalq Rəqsləri Festivalı” başa çatıb. Türkiyəni təmsil edən folklor rəqs qruplarının fəal şəkildə iştirak etdiyi rəqs festivalına bu dəfə Şimali Kipr Türk Respublikasından rəqs kollektivləri və Londonda fəaliyyət göstərən “Caspian-Khazri” Azərbaycan məktəbinin rəqs qrupu da qatılıb. Artıq üçüncü ildir ki, təşkil edilən tədbirdə Taciyə Abbaszadə, Ülkər Nüsrətli və Fidan Hacıyevadan ibarət Azərbaycan rəqs qrupu 15 iştirakçı arasında 4-cü yerə layiq görülüb. Xatırladaq ki, bu yaxınlarda Londondakı Azərbaycan məktəbinin şagirdləri Böyük Britaniya paytaxtında keçirilən Bilik Müsabiqəsində bürünc medal qazanmışdılar. /APA/