USD 1.7

Bakı 10 °C

Ödənişli xəbərlər

AZ RU EN FA FR

Gece modu

SİYASƏT

XƏBƏR

Dünya xəbərləri

İqtisadiyyat xəbərləri

İdman xəbərləri

Mədəniyyət xəbərləri

Təhlil

Bloqlar

Şirkət

TOP 10

APA TV

© 2004 - 2026 Bütün müəllif hüquqları qorunur.

Diaspor

Diaspor

Rusiyanın Nijeqorodsk vilayətinin Təhsil Departamentinin direktoru: “Azərbaycanlıların Rusiyaya yalnız bazarda alver etmək üçün gəlməsi fikri ilə razı deyiləm”

17 avqust 2007 09:16 (UTC +04:00)

- Nijeqorodsk vilayətində azərbaycanlıların doğma dildə təhsil alması üçün hansı imkanlar mövcuddur?
- Burada Azərbaycan məktəbləri yoxdur. Azərbaycan dilinə gəldikdə, əgər azərbaycanlılar Rusiyaya gəlibsə, rus dilini öyrənməyə çalışmalıdır, eyni zamanda öz mədəniyyətlərini qoruyub saxlamalıdırlar. Buna görə də biz azərbaycanlılara öz dillərində oxumaq imkanı yaradır və bu istiqamətdə təbliğat aparırıq. Əgər hökumətinizin dərsliklər və digər vəsaitlərlə yardımı sayəsində Nijni-Novqorodda Azərbaycan məktəbləri yaradılsa, biz maneçilik törətməyəcək, əksinə, kömək edəcəyik.
- Nijeqorodskda azərbaycanlılar hansı işlərlə məşğuldurlar?
- Bilirəm ki, buradakı azərbaycanlıların çoxu futbol oynayır. Hətta aralarında bizim uşaqlarımızı da futbolçu kimi hazırlamaqla məşğul olan məşqçilər var. Həmyerlilərinizin bir çoxu təhsil alır.
- Azərbaycanlıların digər sahələrlə müqayisədə təhsilə münasibəti yüksəkdir?
- Hər bir xalqın öz səviyyəsi və insanları olur. Azərbaycanlılar arasında bizim universitetlərdə təhsil alan istedadlı uşaqlar var. Bilirəm ki, onlardan bir çoxu ali məktəblərimizi qızıl medallarla bitirib. Eyni zamanda hələlik buranın şəraitinə uyğunlaşmayan uşaqlar da var. Amma onlar tezliklə adaptasiya olmaq üçün çox çalışırlar.
- Amma belə söz-söhbətlər də var ki, azərbaycanlılar Rusiyaya təhsil almağa yox, bazarlarda alver etməyə gəlirlər...
- Mən bu kimi fikirləri dəstəkləmirəm və bunu yanlış hesab edirəm. Hər bir şəxsin bu məsələyə dair öz mövqeyi var. Mənim mövqeyim isə əksinədir. Hesab edirəm ki, buradakı azərbaycanlılar bazar adlandırılan çevrədən çıxmağa cəhd edirlər. Onlar Nijeqorodsk vilayətinin və Rusiyanın bərabərhüquqlu üzvləri olmaq üçün mümkün qədər digər sahələrə daxil olmağa çalışırlar. Hazırda xeyli azərbaycanlı tam başqa sahələrdə işləyir. Azərbaycanlı hüquqşünasların, iqtisadçıların olduğunu bilirəm. Ona görə də azərbaycanlıların Rusiyaya yalnız bazarda alver etmək üçün gəlməsi fikri ilə razı deyiləm. Ola bilsin, yeni gələnlərin işə başlaması üçün bazarda alver etmək bir metoddur. Amma məncə, onlar tezliklə bazar çərçivəsindən çıxmağa çalışırlar.
- Nijni-Novqorodda çoxlu skinhedin olduğu bildirilir...
- “Skinhed” adlı təşkilat var. Amma bu qurumun üzvləri azdır və onların buradakı “fəaliyyəti” müşahidə olunmur. Düzdür, milli zəmində tələbələr arasında bir neçə konflikt olub. Amma bu konfliktlər yalnız keçmiş SSRİ xalqlarına münasibətdə ortaya çıxmayıb. Məsələn, afrikalılarla da münaqişə yaranıb. Lakin azərbaycanlılarla və ermənilərlə çox xoş münasibətlər var. Bir misal da çəkə bilərəm. Mənim oğlum futbol oynayır. Onun çıxış etdiyi komandada iki azərbaycanlı və üç erməni var. Hamısı 1993-cü il təvəllüdlüdür. Aralarında çox yaxşı münasibətlər var. Onlar bir-birinə qonaq gedirlər. Milliyyətindən asılı olmayaraq, kollektiv üzvlərindən birinin kənardan xətrinə dəyən olsa, birlikdə cavabını verirlər. /APA/

İDMAN XƏBƏR

Diaspor

Azərbaycanın Təbrizdəki Baş Konsulluğunda Zəfər Gününə həsr olunmuş tədbir keçirilib