Diaspor

Ana səhifə

Diaspor

ABŞ-ın Cochise Universitetində “Azərbaycan gəncliyi: dünən və bu gün” mövzusunda dəyirmi masa keçirilib

14 noyabr 2007 10:06 (UTC +04:00)

“İRƏLİ” Gənclər Hərəkatının ABŞ-ın Arizona ştatında yerləşən Cochise Universitetində təhsil alan üzvü Aidə Səmədovanın təşkilatçılığı ilə bu universitetdə “Azərbaycan gəncliyi: dünən və bu gün” mövzusunda dəyirmi masa keçirilib. Hərəkatın mətbuat xidmətindən APA-ya daxil olan məlumata görə, Azərbaycan himni ilə başlayan tədbirdə Azərbaycanla bağlı videoçəkilişlər nümayiş etdirilib. Daha sonra Heydər Əliyev barədə söz açılıb, Azərbaycan-Amerika münasibətləri haqda məruzə dinlənilib. Dəyirmi masa iştirakçılarına Azərbaycan gənclərinin durumu və gənclər təşkilatları ilə bağlı məlumat verilib. A. Səmədova həmçinin “İRƏLİ” Gənclər Hərəkatının fəaliyyəti barədə danışıb. Universitetin ictimai işlər üzrə dekanı Dr. Robert Mapp dəyirmi masada çıxış edib. /APA/