Diaspor

Ana səhifə

Diaspor

DAK və DDAK 2008-ci il mayın 28-də birləşəcək

23 noyabr 2007 13:09 (UTC +04:00)

Dünya Azərbaycanlıları Konqresi (DAK) ilə Demokratik Dünya Azərbaycanlıları Konqresinin (DDAK) birləşdirici qurultayı 2008-ci il mayın 28-də Brüsseldə, Avropa Parlamentinin binasında keçiriləcək. APA-nın məlumatına görə, DAK sədri Qulamrza Səbri Təbrizi bununla bağlı qərar qəbul olunduğunu və hər iki tərəfin iştirakı ilə yaradılmış komissiyada razılaşdırıldığını bildirib. O, qurultaya qədər hər iki qurumun birgə fəaliyyət göstərəcəyini də deyib. DDAK sədrinin müavini Əhməd Obalı isə onları birləşdirən faktorun milli maraqlar olduğunu söyləyib: “Bizi şəxslər birləşdirmir. Əksinə, şəxslər insanlar arasında parçalanma yaradır. Təşkilatları birləşdirən əsas amil milli prinsiplərdir”. /APA/