Diaspor

Ana səhifə

Diaspor

Brüssel və Haaqa şəhərlərində 20 Yanvar faciəsi ilə bağlı bülletenlər yayılıb

15 yanvar 2008 14:21 (UTC +04:00)

Yanvarın 15-də Hollandiyada fəaliyyət göstərən “Ana Vətən” Avropa Azərbaycanlı Qadınlar Birliyi Brüssel və Haaqa şəhərlərində 20 Yanvar faciəsinin 18-ci ildönümü ilə bağlı bülletenlər yayıb. Xarici Ölkələrdə Yaşayan Azərbaycanlılarla İş üzrə Dövlət Komitəsindən APA-ya verilən məlumata görə, Azərbaycanın Benilüks ölkələri üzrə səfirliyinin I katibi Fuad Hümbətovun hazırladığı bülletenlər Avropa Parlamentinə və Niderland Krallığının Parlamentinə də təqdim edilib. Bülletenlərdə “Qanlı Yanvar”ın tarixi, faciə zamanı yüzdən çox dinc vətəndaşın həlak olması və yüzlərlə insanın yaralanması barədə məlumat verilib, bu qanlı hadisənin təqsirkarlarının qınanılması tələb olunur. /APA/