Diaspor

Ana səhifə

Diaspor

Dünyanın müxtəlif ölkələrində 20 Yanvar faciəsinin 18-ci ildönümü ilə bağlı anım tədbirləri keçirilir

18 yanvar 2008 15:04 (UTC +04:00)

Bu gün Birləşmiş Ərəb Əmirliklərinin Dubay Əmirliyindəki Azərbaycan Cəmiyyəti 20 Yanvar faciəsinin 18-ci ildönümü ilə bağlı anım tədbiri keçirib. Xaricdə Yaşayan Azərbaycanlılarla İş üzrə Dövlət Komitəsindən APA-ya verilən məlumata görə, tədbirdə hadisəni əks etdirən fotoşəkillərdən ibarət sərgi təşkil olunub və faciədən bəhs edən 60 dəqiqəlik film göstərilib. Yanvarın 19-da isə Azərbaycan Mədəniyyət Mərkəzinin təşkilatçılığı ilə Buryatiyada, Ukrayna Azərbaycanları Konqresi regional təşkilatının təşkilatçılığı ilə Xarkovda, Belarus Azərbaycan İcmaları Konqresinin təşkilatçılığı Minskdə, Norveç Azərbaycanlı Gənclər Assosiasiyasının təşkilatçılığı ilə Osloda, İsveç-Azərbaycan Federasiyasının təşkilatçılığı ilə Stokholm və Göteborq şəhərlərində, Benilüks Azərbaycanlıları Konqresinin təşkilatçılığı ilə Amsterdamda, Hyuston Azərbaycanlıları Cəmiyyətinin təşkilatçılığı ilə Hyustonda, Amerika-Azərbaycan Şurasının təşkilatçılığı ilə Los Ancelesdə, Yeni Zelandiya - Azərbaycan Dostluq Cəmiyyətinin təşkilatçılığı ilə Yeni Zelandiyada, Xəzər” İctimai Birliyinin təşkilatçılığı ilə Qazaxıstanın Astana şəhərində, “Azəri” İctimai Birliyinin təşkilatçılığı ilə Qırğızıstanın Bişkek şəhərində anım mərasimləri keçiriləcək. Bundan başqa, Tailandda təhsil alan türk, azərbaycanlı tələbələr konfrans-sərgi, Pakistan-Azərbaycan Dostluq Cəmiyyəti konfrans, “Sidney Azərbaycanlılar Cəmiyyəti” silsilə tədbirlər, Gürcüstandakı “Azərbaycan Mədəniyyət Mərkəzi” dəyirmi masa, Litvadakı “Günəş” cəmiyyəti ümumi yığıncaq keçirəcək. Yanvarın 20-də isə Moskva, Yekaterinburq, Kiyev, Donetskdə, Dnepropetrovsk, Nikolayev, Luqansk, Oslo, Brüssel, Haaqa, Paris, Strasburq, London, Mayns, Berlin, Tallin, Vilnüs, Riqa, Budapeşt, Praqa, Kişinyov, Monreal Nyu-York Hyuston Qahirə Osaka Sidney və Ankara şəhərlərində anım tədbirləri təşkil olunacaq. /APA/