Bakı. Aynur Əliyeva – APA-Economics. Azərbaycan Dövlət Neft Şirkəti (ARDNŞ) artıq bu il Səngəçalda neft-kimya və neft-qaz emalı kompleksinin tikintisinə başlamağı planlaşdırır. Bu kompleksin inşası Azərbaycan iqtisadiyyatında ən böyük investisiya qoyuluşu olacaq. «APA-Economics»in məlumatına görə, bunu ARDNŞ prezidenti Rövnəq Abdullayev bildirib.
Onun sözlərinə görə, tikinti prosesi zamanı həmin layihədə nəzərdə tutulan işlərə 15 min insanın cəlb edilməsi gözlənilir: «Bundan başqa, 2014-2023-cü illəri əhatə edəcək layihədə 15 min insanın işləməsi üçün burada mütəxəssislərin hazırlanması vacibdir».