Hadisə

Ana səhifə

Hadisə

Azərbaycanda dəmir yolunda yanğın baş verib, dörd vaqon, yüzdən çox soyuducu yanıb - YENİLƏNİB - VİDEO - FOTOSESSİYA

Azərbaycanda dəmir yolunda yanğın baş verib, dörd vaqon, yüzdən çox soyuducu yanıb - <span style="color: red;">YENİLƏNİB - <span style="color: red;">VİDEO - <span style="color: red;">FOTOSESSİYA

03 aprel 2014 07:17 (UTC +04:00)

Hacıqabul. Əlibəy Zeynallı - APA. Bakı-Qazax yolunda, Hacıqabul rayonu və Ələt qəsəbəsi arasında dəmir yolunda yanğın baş verib.

APA-nın hadisə yerində olan əməkdaşının verdiyi məlumata görə, yanğın səhər saat 5 radələrində soyuducularla yüklənmiş vaqonlarda yaranıb.

Hadisə yerinə gələn yanğınsöndürənlər saat 9 radələrində alovun qarşısını alıblar. 4 vaqonun, yüzdən çox soyuducunun yandığı bildirilir.

Yanmış vaqonlar ərazidən aparılıb. Dəmir yolu xəttində müvəqqəti olaraq qatarların hərəkəti dayandırılıb. Hazırda yolun bərpası aparılır.

“Azərbaycan Dəmir Yolları” QSC-nin mətbuat katibi Nadir Əzməmmədov “APA-Economics”ə bildirib ki, hadisə Qaradağ rayonu, Atbulaq-Ələt mənzilində Gürcüstandan Qırğızıstana gedən yük qatarında baş verib: “Hadisənin baş verməsinə güclü külək səbəb olub. Belə ki, külək vaqonların dam örtüyünü atıb. Bu zaman isə elektrik naqilləri ilə kontaktdan yanğın baş verib. Heyət dörd vaqondan ibarətdir və Gürcüstana məxsusdur. Hazırda araşdırma aparılır. Gürcüstan tərəfi hadisə yerinə gəlib vaqonlara baxış keçirəcək. Yanğın söndürülüb, yol açıqdır. Xəsarət alan yoxdur”.

yanğın _ dəmir yolu _ vaqon