APA-nın xəbərinə görə, bunu Azərbaycanın NATO-dakı daimi nümayəndəsi Xəzər İbrahim deyib.
X. İbrahimin sözlərinə görə, İPAP və PAP üzrə hər şey qaydasındadır və plan üzrə yerinə yetirilir. PAP üzrə məqsədlərin sayının genişləndirilib-genişləndirməyəcəyinə gəlincə, X.İbrahim bildirib ki, burada genişləndirmə yox, əməkdaşlığın dərinləşməsi həyata keçirilir.
Jurnalistlərin suallarına cavabında X. İbrahim NATO qüvvələrinin Əfqanıstandan çıxarılması məsələsində Azərbaycanın öz imkanlarını verməyə hazır olduğunu bəyan etdiyini qeyd edib: “Azərbaycan tərəfi müxtəlif səviyyələrdə bunun texniki detallarını müzakirə edib. Bu gün proses gedir. Burada müxtəlif variantlar ola bilər. Məsələn, multi- modal daşınmalar mümkündür. Yəni təyyarə ilə Azərbaycan üzərindən keçməklə, dəniz yolu ilə. Baklı-Tiflis-Qars dəmir yolu istifadəyə veriləndən sonra isə bu variantdan da daha geniş istifadə edilə bilər”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
