"Heydər Əliyev adına Bakı Neft Emalı Zavodunun (BNEZ) modernləşdirilməsi və yenidənqurma işləri çərçivəsində yeni bitum qurğusunun inşası bu ilin sentyabr ayında yekunlaşacaq".
"APA-Economics"in məlumatına görə, bunu Azərbaycan Dövlət Neft Şirkətinin (SOCAR) strateji inkişaf üzrə vitse-prezidentinin müşaviri Teymur Əliyev bildirib.
"Yeni bitum qurğusunun detallı layihələndirmə, satınalma işləri yekunlaşıb. Bitum qurğusunun inşası bu ilin sentyabr ayında tam yekunlaşacaq",- deyə o əlavə edib.
Qeyd edək ki, yeni bitum qurğusunun illik istehsal gücü 400 min ton olacaq və qurğuda “EN 40/60” markalı yüksək keyfiyyətli yol bitumu istehsal olunacaq. Yeni bitum istehsalı qurğusunun təməlqoyma mərasimi Azərbaycan Prezidenti İlham Əliyevin iştirakı ilə 2016-cı il sentyabrın 19-da qoyulub. Yeni bitum istehsalı qurğusunun inşası Heydər Əliyev adına neft emalı zavodunda aparılacaq yenidənqurma tədbirlərinin ilkin mərhələsi olacaq.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
