Ədəbiyyat

Ana səhifə

Ədəbiyyat

Milli Kitab Mükafatına təqdim olunan əsərlər arasından seçilən 20 əsərin müəlliflərinin adları açıqlanıb - FOTO

Milli Kitab Mükafatına təqdim olunan əsərlər arasından seçilən 20 əsərin müəlliflərinin adları açıqlanıb - <font color=red>FOTO</font>

26 yanvar 2010 11:02 (UTC +04:00)

Bakı. Ülkər Qasımova - APA. Bu gün Mirzə Fətəli Axundov adına Milli Kitabxanada Milli Kitab Mükafatı (MKM) üzrə 20-lik, “long list” elan edilməsi mərasimi keçirilib. APA-nın məlumatına görə, mərasimdə çıxış edən MKM-in təsisçisi Nigar Köçərli bu mükafata marağın yüksək səviyyədə olmasından razılığını bildirib.
N. Köçərlinin sözlərinə görə, müsabiqəyə bütün bölgələrdən, hətta 7 xarici ölkədən əsərlər göndərilib. Müsabiqəyə ümumilikdə 265 əsər təqdim olunub. Onlarda 205-i Azərbaycan, 60-i rus dilindədir. Ekspertlər Şurası təqdim olunmuş bütün əsərin hamısını oxuyaraq 20 əsərdən ibarət siyahı hazırlayıblar.
Münsiflər Heyətinin üzvü, Azərbaycan Yazıçılar Birliyinin katibi Rəşad Məcid kitaba və ədəbiyyata marağın azaldığı bir zamanda bu cür mükafatın təsis edilməsini böyük cəsarət adlandırıb: “Müsabiqənin gedişi və insanların marağı göstərdi ki, layihə həqiqətən də uğurlu alınıb. İnanıram ki, sonunda ən layiqli əsərləri üzə çıxararaq ədəbiyyatımıza töhfəmizi verəcəyik”.
Yazıçı Afaq Məsud da çıxışında qeyd edib ki, əsərlərin qiymətləndirilməsi zamanı nasirlərin imzasına deyil, əsərlərin keyfiyyətinə xüsusi önəm veriləcək.
Əsərləri seçilən yazarlar bunlardır: Şərif Ağayar, Əlabbas Bağırov, Nəriman Əbdülrəhmanlı, Samit Əliyev, Eyvaz Əlləzoğlu, İlqar Fəhmi, Həmid Herisçi, Rəhim Hüseynov, Elxan Qaraqan, Azər Kamal, Kamran Nəzirli, Məqsəd Nur, Əjdər Ol, Seyran Səxavət, Mövlud Süleymanlı, Taleh Şahsuvarlı, Yusif Şükürlü, Rafiq Tağı, Fəxri Uğurlu və Rəna Yüzbaşı.

Qeyd edək ki, fevralın 10-də “short list”, 10-luq müəyyənləşəcək və ən yaxşı nəsr əsərləri hesab olunan həmin əsərlər qiymətləndirilməsi üçün Münsiflər Heyətinə təqdim ediləcək. Daha sonra isə Münsiflər Heyəti ən yaxşı əsəri müəyyənləşdirəcək və bu ilin mayında böyük təqdimat mərasimi keçiriləcək.

Xatırladaq ki, layihənin baş sponsoru “Azercell Telekom” MMC, rəsmi sponsorları “Azərsun Holdinq” və “Qarant Sığorta” şirkətləridir. Milli Kitab Mükafatına informasiya dəstəyi verən kütləvi informasiya vasitələri arasında APA İnformasiya Agentliyi də var.