Ədəbiyyat

Ana səhifə

Ədəbiyyat

Moskvada «Rus insanına Azərbaycan və azərbaycanlılar haqqında» kitabının təqdimat mərasimi olub

05 fevral 2010 23:04 (UTC +04:00)

Moskva. Roman Aağayev – APA. Mokvanın «Prezident-otel» mehmanxanasında məşhur Rusiya tarixçisi Aleksandr Qoryaənin və ictimai və siyasi xadim Aleksandr Sevastyanovun «Rus insanına Azərbaycan və azərbaycanlılar haqqında» kitabının təqdimat mərasimi keçirilib. APA-nın məlumatına gör, tədbir Rusiya Azərbaycanlılarının Federal Milli-mədəni muxtariyyəti tərəfindən təşkil olunub.

Müəlliflərin sözlərinə görə, adı çəkilən kitab sadə və anlaşıqlı şəkildə Rusiya cəmiyyətində mövcud olan əfsanələri inkar edərək oxuculara Azərbaycan tarixi v Azərbaycan-Rusiya münasibətlərinə dair ən maraqlı və məlumatlı dərsliklərdən biridir.

Kitabda hətta hazırlıqlı şəxslər üçün bir çox maraqlı olacaq, həm dövlət səviyyəsində qərarların qəbulu, həm də rusların və azərbaycanlıların gündəlik ünsiyyəti üçün faydalı olacaq bir çox məlumatlar əksini tapıb.

«Müəlliflərin son məqsədi bu xalqlar arasında dostluq və müttəfiqlikdir. Onlar əmindirlər ki, bu cür münasibətlər hər iki tərəf üçün qarşılıqlı faydalı və zəruridir. Kitab siyasətçilər, xarici əlaqələr sahəsində çalışan dövlət məmurları, tarixçilər, eləcə də sadə oxucular, xüsusilə də gənclər üçün maraqlıdır. Axı, məhz gənclər gələcək münasibətləri quracaq və bu işdə gənclərin istiqamətlənəcəyi dəqiq hədəflərin olması zəruridir», - deyə təqdimat mərasimində A.Qoryanin bildirib.

A.Sevastyanovun sözlərinə görə, rus yazıçılarının bu obyektiv yanaşma cəhdi Zaqafqaziyanın tarixi və regiondakı vəziyyətlə maraqlanan bütün şəxslər üçün faydalı olacaq. O ümidvar olduğunu bildirib ki, Adı çəkilən kitabla tanışlıq nəinki rəsmi Rusiya-Azərbaycan münasibətlərində düzgün siyasət işlənib hazırlanmasına kömək edəcək, həmçinin rus və Azərbaycan xalqlarının həqiqətən yaxınlaşmasına xidmət edəcək.