Goranboyda yol-nəqliyyat hadisəsi baş verib. APA-nın qərb bürosunun verdiyi məlumata görə, hadisə rayonun Muzdurlar kəndində qeydə alınıb.
Rayonun Kələk kənd sakini Rizvan Əliyev idarə etdiyi traktorla hərəkətdə olarkən idarəetməni itirib və traktor minik avtomobili ilə toqquşub. Qəza zamanı R. Əliyev xəsarət alaraq xəstəxanaya yerləşdirilib.
Faktla bağlı araşdırma aparılır.