Bakı. Musa Əhmədov-APA-Economics. Qiymətli Kağızlar üzrə Dövlət Komitəsi tərəfindən “Qafqaz İnkişaf Bankı” ASC-nin adi adlı sənədsiz səhmlərinin emissiya prospekti qeydə alınıb.
Bakı Fond Birjasından “APA-Economics”ə verilən məlumata görə, emissiyanın həcmi 7 mln. manat, bir səhmin nominal dəyəri 1 manat təşkil edir.
Yerləşdirmədə anderrayter kimi “Çelsi Kapital” MMC çıxış edəcək.
Qeyd edək ki, yerləşdirmə nəticəsində bankın nizamnamə kapitalı 12,7% artaraq 62 mln. manata çatacaq.